ଆଜି ଶ୍ରୀନଗର ଯିବେ ସେନା ମୁଖ୍ୟ ଜେନେରାଲ ବିପିନ ରାୱତ Pradesh Pratyush

ନୂଆଦିଲ୍ଲୀ :  ଆଜି ଶ୍ରୀନଗର ଯିବେ ସେନା ମୁଖ୍ୟ ଜେନେରାଲ ବିପିନ ରାୱତ। ଧାରା ୩୭୦ ଉଚ୍ଛେଦ ପରେ କାଶ୍ମୀରରେ କଣ ରହିଛି ସୁରକ୍ଷା ବ୍ୟବସ୍ଥା ଏବଂ ଏଥିପାଇଁ ମୁତୟନ ସୁରକ୍ଷାକର୍ମୀ କିପରି ପ୍ରସ୍ତୁତ ଅଛନ୍ତି, ତାର ସମୀକ୍ଷା କରିବେ।

୩୭୦ ଉଚ୍ଛେଦ ପରେ ଏହା ହେଉଛି ସେନା ମୁଖ୍ୟ ବିପିନ ରାୱତଙ୍କ ପ୍ରଥମ ଜମ୍ମୁ କାଶ୍ମୀର ଗସ୍ତ। ଧାରା ୩୭୦ ଉଚ୍ଛେଦ ହେବାର ୨୫ ଦିନ ପରେ ମଧ୍ୟ ସୁରକ୍ଷା ଦୃଷ୍ଟିକୋଣରୁ କାଶ୍ମୀରରେ ଅନେକ ସ୍ଥାନରେ ଟେଲିଫୋନ, ଇଣ୍ଟରନେଟ ଆଦି ସେବା ବନ୍ଦ ରଖାଯାଇଛି।

କିଛି ସ୍ଥାନରେ ସ୍କୁଲଗୁଡିକ ଖୋଲିଥିଲେ ମଧ୍ୟ ଛାତ୍ରଛାତ୍ରୀ ଭୟରେ ଆସୁନାହାନ୍ତି।  ଫଳରେ ବିଦ୍ୟାଳୟ କକ୍ଷ ଖାଲିପଡିଥିବା ଦେଖିବାକୁ ମିଳିଛି। ଏପରିସ୍ଥଳେ କିଭଳି ଶୀଘ୍ର ସବୁକିଛି ସ୍ୱାଭାବିକ ଅବସ୍ଥାକୁ ଫେରିବ ସେନେଇ ପ୍ରଶାସନ ଓ ସରକାର ତତ୍ପର ହୋଇଛନ୍ତି ।

from OTV Khabar. https://ift.tt/2Ll4Wxd