କେନ୍ଦ୍ରାପଡାରେ ବଡ ଡକାୟତି । ରାତି ଅଧରେ ଘରେ ପଶି ଲାଇନ୍ କାଟି ପରିବାରକୁ ଧାରୁଆ ଅସ୍ତ୍ରରେ ହାଣି ଲୁଟ୍ । ବାପା, ମା, ପୁଅ ଓ ବୋହୂ ଗୁରୁତର । Kanak News

କନକ ବ୍ୟୁରୋ : କେନ୍ଦ୍ରାପଡା ଆଳି ଥାନା ଅନ୍ତର୍ଗତ ଭରତପୁର ଗାଁରେ ବଡ ଧରଣର ଲୁଟ୍ । ଗାଁର ହାଡିବନ୍ଧୁ ସାହୁଙ୍କ ଘରେ ଗତକାଲି ରାତିରେ ଦୁର୍ବୃତ ପଶି ଘର ଲୋକଙ୍କୁ ଆକ୍ରମଣ କରିବା ସହ ଲୁଟ୍ କରିଛନ୍ତି । ଗତକାଲି ବିଳମ୍ବିତ ରାତିରେ ଦୁର୍ବୃତମାନେ ହାଡିବନ୍ଧୁଙ୍କ ଘରେ ପଶି ପ୍ରଥମେ ଲାଇନ୍ କାଟିଦେଇଥିଲେ । ପରେ ସମସ୍ତଙ୍କୁ ଧାରୁଆ ଅସ୍ତ୍ରରେ ହାଣି ଗୁରୁତର କରିବା ସହ ଡକାୟତି କରିଥିଲେ ।

ଏହି ଆକ୍ରମଣରେ ହାଡିବନ୍ଧୁଙ୍କ ସହ ତାଙ୍କ ସ୍ତ୍ରୀ, ପୁଅ ଓ ବୋହୂ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ଘଟଣାକୁ ନେଇ ସ୍ଥାନୀୟ ଲୋକେ ଭରତପୁର ଛକରେ ରାସ୍ତାରୋକ କରିଛନ୍ତି ।

from Kanak News https://ift.tt/2UgH161 https://ift.tt/34cu0PF