କଟକ/ଭୁବନେଶ୍ୱର : ବର୍ଷାରେ ବେହାଲ ଟ୍ୱିନ୍ସିଟି। ରାଜଧାନୀ ଭୁବନେଶ୍ୱର ସହ କଟକରେ ବି ଜନଜୀବନ ପ୍ରଭାବିତ। ଗତକାଲି ସନ୍ଧ୍ୟାରେ କଟକ ସହରର ବିଭିନ୍ନ ଅଞ୍ଚଳରେ ପ୍ରବଳ ବର୍ଷା କାରଣରୁ ବିଭିନ୍ନ ତଳିଆ ଅଞ୍ଚଳରେ ପାଣି ଜମି ରହିଛି।
ବିଶେଷକରି ବାଦାମବାଡ଼ି, ରକ୍ସି ଲେନ୍ ଅଞ୍ଚଳରେ ପାଣି ଜମି ରହିଥିବାରୁ ଲୋକେ ଘରୁ ବାହାରିବାରେ ଅସୁବିଧାର ସମ୍ମୁଖୀନ ହୋଇଛନ୍ତି। ଡ୍ରେନ୍ ସଫେଇ ଅଭାବ ଓ ଜାଇକା କାମ ଶେଷ ହୋଇନଥିବାରୁ ବର୍ଷା ଜଳ ନିଷ୍କାସନରେ ବାଧା ସୃଷ୍ଟି ହୋଇଛି। ଫଳରେ ଅନେକ ଅଞ୍ଚଳରେ ରାସ୍ତା ଉପରେ ପାଣି ଜମି ରହିଥିବାରୁ ଯାନବାହନ ଚଳାଚଳରେ ବି ବାଧା ସୃଷ୍ଟି ହୋଇଛି।
ରାଜଧାନୀରେ ମଧ୍ୟ ଅବସ୍ଥା ସମାନ। ଗତକାଲି ଅସରାଏ ବର୍ଷାରେ ଖୋଦ କମିଶନରେଟ ପୁଲିସ ଅଫିସ ଆଗରେ ସୃଷ୍ଟି ହୋଇଥିଲା ଜଳାଶୟ। ସେହିପରି ନୟାପଲ୍ଲୀ ବେହେରାସାହି, ଲକ୍ଷ୍ମୀସାଗର ଅଞ୍ଚଳରେ ରାସ୍ତା ଉପରେ ଆଣ୍ଠୁଏ ଆଣ୍ଠୁଏ ପାଣି। ଏଥିପାଇଁ ସ୍କୁଲ ପିଲାଠାରୁ ଆରମ୍ଭ କରି ରୋଗୀ, ସାଧାରଣ ଲୋକେ ନାହିଁ ନଥିବା ଅସୁବିଧାରେ ସମ୍ମୁଖୀନ ହୋଇଛନ୍ତି।
from OTV Khabar. https://ift.tt/2FVPDsV
ବର୍ଷାରେ ବେହାଲ ଟ୍ୱିନ୍ସିଟି Pradesh Pratyush
![ବର୍ଷାରେ ବେହାଲ ଟ୍ୱିନ୍ସିଟି Pradesh Pratyush]()
Reviewed by SUBHENDU BARAL
on
July 05, 2019
Rating:
No comments: