ଆମେରିକା ପରି ଭାରତ ମଧ୍ୟ ପାକିସ୍ତାନରେ ପଶି ଆକ୍ରମଣ କରିପାରିବ: ଜେଟ୍‌ଲୀ Pradesh Pratyush

ନୂଆଦିଲ୍ଲୀ: ଭାରତର ଅପରେସନ ବାଲାକୋଟ ପରେ ଆତଙ୍କବାଦକୁ ସୁରକ୍ଷା ଦେଉଥିବା ପାକିସ୍ତାନ ଉପରେ କ୍ରୋଧ ପ୍ରକାଶ କରିଛନ୍ତି ଅର୍ଥମନ୍ତ୍ରୀ ଅରୁଣ ଜେଟଲୀ। ୨୦୧୧ରେ ମସିହାରେ ଆମେରିକା ଆକ୍ରମଣ ଘଟଣାକୁ ଉଦାହରଣ ଦେଇ ପାକିସ୍ତାନକୁ ସେ ଚେତାବନୀ ଦେଇଛନ୍ତି।

ଜେଟ୍‌ଲୀ କହିଛନ୍ତି, ଯଦି ଆମେରିକା ପାକିସ୍ତାନରେ ପଶି ଓସାମାବିନ୍ ଲାଦେନକୁ ହତ୍ୟା କରିପାରୁଛି, ତେବେ ଭାରତ ମଧ୍ୟ ଏହା କରିପାରିବ। ଭାରତର ସୀମା ଡେଇଁ ପାକିସ୍ତାନ ରାଜୌରୀ ସେକ୍ଟର୍‌ରେ ବୋମା ଫିଙ୍ଗିବା ପରେ ଏଭଳି କଡ଼ା ମନ୍ତବ୍ୟ ଦେଇଛନ୍ତି ଜେଟ୍‌ଲୀ।

ସେ ଆହୁରି ମଧ୍ୟ କହିଛନ୍ତି ଯେ ଗୋଟେ ସପ୍ତାହ ରାଜନୀତିରେ ବହୁତ ଲମ୍ବା ସମୟ ହୋଇଥାଏ। କିନ୍ତୁ ଗତ ସପ୍ତାହରୁ ପୂରା ଦେଶ ଆମ ସହିତ ଛିଡ଼ା ହୋଇଛି। ଏଥିରୁ ମନେ ହେଉଛି ଯେମିତି ଗୋଟିଏ ସପ୍ତାହ ଖୁବ୍‌ ଶୀଘ୍ର ଆମ ହାତରୁ ଖସିଯାଉଛି। ତେଣୁ ଆମେରିକା ପରି ଆମେ ମଧ୍ୟ କଡ଼ା ପଦକ୍ଷେପ ନେଇପାରିବା ବୋଲି ଜେଟ୍‌ଲୀ କହିଛନ୍ତି।

from OTV Khabar https://ift.tt/2T1EPSI