ମୁମ୍ବାଇ ୧୨|୧୧: ରାକ୍ଷୀ ସାୱନ୍ତଙ୍କୁ ଜଣେ ମହିଳା ରେସଲରଙ୍କୁ ଚ୍ୟାଲେଞ୍ଜ କରିବା ମହଙ୍ଗା ପଡିଛି । ଫଳରେ ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି ।
ହରିୟାଣାର ପଞ୍ଚକୁଲାର ତାଉ ଦେବୀଲାଲ ଷ୍ଟାଡିୟମରେ ସିଡବ୍ଲୁଇରର ରେସଲିଙ୍ଗ ପ୍ରତିଯୋଗିତା ରଖାଯାଇଥିଲା । ଯେଉଁଥିରେ ଦ ଗ୍ରେଟ ଖଲ୍ଲି ସମେତ ବହୁ ବଡ ବଡ ରେସଲର ସାମିଲ ହୋଇଥିଲେ । ଏଥିରେ ବିଦେଶୀ ମହିଳା ରେସଲର ଦ ରୋବେଲ ରିଙ୍ଗ୍ ରେ ଥାଇ ପଞ୍ଚକୁଲା ମହିଳାମାନଙ୍କୁ ଚ୍ୟାଲେଞ୍ଜ ଦେଇଥିଲେ ଯେ, କେହି ଅଛି ଯିଏ ତାଙ୍କ ସହ ଲଢି ପାରିବ । ଏହାଶୁଣି ଅଭିନେତ୍ରୀ ରାକ୍ଷୀ ସାୱନ୍ତ ବିଦେଶୀ ମହିଳା ରେସଲରଙ୍କୁ ଚ୍ୟାଲେଞ୍ଜ ଦେଇ ରିଙ୍ଗ୍ ନିକଟରେ ପହଞ୍ଚିଥିଲେ । ସେ ରୋବେଲଙ୍କୁ ତାଙ୍କ ସହ ଡ୍ୟାନ୍ସ କରିବାକୁ ଚ୍ୟାଲେଞ୍ଜ ଦେଲେ । ରୋବେଲ ରୀକ୍ଷୀଙ୍କ ଚ୍ୟାଲେଞ୍ଜ ସ୍ବୀକାର କରି ବିଦେଶୀ ମହିଳା ରେସଲର୍ ତାଙ୍କ ସହ ଡ୍ୟାନ୍ସ କରିଥିଲେ । ମ୍ୟୁଜିକ୍ ବନ୍ଦ ହେବାରୁ ରୋବେଲ ରାକ୍ଷୀ ସାୱନ୍ତଙ୍କୁ ରିଙ୍ଗରେ ନିଜ କାନ୍ଧରେ ଉଠାଇ ତଳେ କଚାଡିଦେଲେ । ଫଳରେ ସେ ଗୁରୁତର ଭାବେ ଆହତ ହୋଇଛନ୍ତି । ଏହାପରେ ରାକ୍ଷୀ ରିଙ୍ଗ୍ ମଧ୍ୟରେ ୧୦ମିନିଟ୍ ପର୍ଯ୍ୟନ୍ତ ପଡିରହିଲେ । ତାଙ୍କ ଅଣ୍ଟାରେ ଆଘାତ ଲାଗିଛି । ତାଙ୍କୁ ପଞ୍ଚକୁଲା ହସପିଟାଲରେ ଭର୍ତ୍ତି କରାଯାଇଛି । ଡାକ୍ତର ତାଙ୍କୁ କିଛି ସପ୍ତାହ ବିଶ୍ରାମ ନେବା ପାଇଁ କହିଛନ୍ତି ।
from News7 https://ift.tt/2z8zf4K
No comments: