ଶୁଭଲକ୍ଷ୍ମୀ ମୃତ୍ୟୁ ମାମଲାର ଫିଟୁଛି ଗୁମର : କଲ ରେକର୍ଡରୁ ମିଳିଲା ସାଂଘାତିକ ତଥ୍ୟ; ଶେଷ ଭିଡିଓ କଲର ଡିଜେ କିଏ ତାକୁ ନେଇ ବଢୁଛି ସନ୍ଦେହ Kanak News

କନକ ବ୍ୟୁରୋ : ଶୁଭଲକ୍ଷ୍ମୀ ମୃତ୍ୟୁ ମାମଲାର ଫିଟୁଛି ଗୁମର । ଶୁଭଲକ୍ଷ୍ମୀଙ୍କ କଲ ରେକର୍ଡ ତଥା ସିଡିଆରରୁ ପୁଲିସକୁ ଗୁରୁତ୍ୱପୂର୍ଣ୍ଣ ତଥ୍ୟ ମଳିଥିବା ସୂଚନା ମିଳିଛି । ପ୍ରାଥମିକ ତଦନ୍ତ ରିପୋର୍ଟରୁ ମିଳିଥିବା ସୂଚନା ମୁତାବକ, ମୃତ୍ୟୁ ଦିନ ରାତିରେ ୧୨ ଜଣଙ୍କୁ କରିଥିଲେ ଫୋନ କଲ କରିଥିଲେ ଶୁଭଲକ୍ଷ୍ମୀ । ଏବଂ ୮ ଜଣଙ୍କ ସହ ଭିଡିଓ କଲରେ କଥା ହୋଇଥିଲେ । ଶେଷ ଭିଡିଓ କଲରେ ଡିଜେ ନାମକ ଜଣେ ବ୍ୟକ୍ତିଙ୍କ ସହ କଥା ହୋଇଥିଲେ ଶୁଭଲକ୍ଷ୍ମୀ । ତେବେ ସେହି ଡିକେ କିଏ ତାକୁ ନେଇ ସନ୍ଦେହ ବଢିବାରେ ଲାଗିଛି ।

ସିଡିଆର ରିପୋର୍ଟ ମୁତାବକ, ଘଟଣାଦିନ ସନ୍ଧ୍ୟା ୬ଟାରୁ ରାତି ୧ଟା ୧୦ ମଧ୍ୟରେ ଶୁଭଲକ୍ଷ୍ମୀ ୧୨ଜଣଙ୍କୁ କଲ୍‌ କରିଥିଲେ। କାହା ସହ ୧୦ ସେକେଣ୍ଡ ତ କାହାସହ ୨୦ ସେକେଣ୍ଡ କଥା ହୋଇଥିଲେ । ହେଲେ ଶେଷଥର ପାଇଁ ରାତି ୧ଟା ୧୦ରେ ୪୦ ସେକେଣ୍ଡ ପାଇଁ କଥା ହୋଇଥିଲେ । ଆଉ ଏକ ନିର୍ଦ୍ଦିଷ୍ଟ ନମ୍ବରରୁ ତାଙ୍କ ନମ୍ବରକୁ ୧୨ଥର ମିସ୍ଡକଲ୍‌ ଆସିଥିଲା । ସମସ୍ତ ନମ୍ବର ପୁଲିସ ନଜରରେ ଥିବା ବେଳେ ଶେଷ କଲ ଏବଂ ଗୋଟିଏ ନମ୍ବରରୁ ୧୨ଥର ମିସ୍ଡକଲ୍‌ ଆସିବା ପୁଲିସର ସନ୍ଦେହକୁ ଆହୁରି ବଢ଼ାଇଛି ।

ଏତ‌େ ରାତିରେ ଜଣେ ଯୁବତୀ ହୋଟେଲ୍‌ରେ ଥିବାବେଳେ ଏତେ ଲୋକଙ୍କୁ କଲ୍‌ କରିବା ଏବଂ ତାଙ୍କୁ ଅନ୍ୟମାନେ ମଧ୍ୟ ତାଙ୍କୁ କଲ୍‌ କରିବା ଘଟଣାକୁ ଭିନ୍ନ ମୋଡ଼ ଆଡ଼କୁ ଟାଣିଛି । ଏ ସମସ୍ତ ନମ୍ବରର ସବିଶେଷ ଯାଞ୍ଚ କରୁଛି ପୁଲିସ । ତେବେ ଘଟଣାକୁ ସପ୍ତାହେ ବିତି ଯାଇଥିଲେ ମଧ୍ୟ ପୁଲିସ ଏପର୍ଯ୍ୟନ୍ତ ଘଟଣା ଉପରୁ ପରଦା ହଟାଇ ପାରିନାହିଁ । ଏହା ଆତ୍ମହତ୍ୟା ନା ହତ୍ୟା ତାକୁ ନେଇ ସନ୍ଦେହ ବଢିବାରେ ଲାଗିଛି ।

The post ଶୁଭଲକ୍ଷ୍ମୀ ମୃତ୍ୟୁ ମାମଲାର ଫିଟୁଛି ଗୁମର : କଲ ରେକର୍ଡରୁ ମିଳିଲା ସାଂଘାତିକ ତଥ୍ୟ; ଶେଷ ଭିଡିଓ କଲର ଡିଜେ କିଏ ତାକୁ ନେଇ ବଢୁଛି ସନ୍ଦେହ first appeared on Kanak News.

from Kanak News https://ift.tt/7c8GrBt https://ift.tt/ZJRwrqo