ପୁଅର ମାଡ଼ରେ ଚାଲିଗଲା ବାପାର ଜୀବନ, ଅଭିଯୁକ୍ତ ପୁଅ ଥାନାରେ ଅଟକ

ଭଞ୍ଜନଗର, ୦୨/୧୦: ଭଞ୍ଜନଗର ଥାନା ଅନ୍ତର୍ଗତ ବଡକୋଦଣ୍ଡ ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସାନ ପୁଅର ମାଡରେ ବାପାର ମୃତ୍ୟୁ ହୋଇଥିବା ଜଣାପଡ଼ିଛି । ମୃତକଙ୍କ ନାମ ହାଡୁ ନାଇକ । ଆଜି ଅପରାହ୍ନରେ ପୁଅ ଶିବ ନାଇକ ଗ୍ରାମର ଅନ୍ୟ ଜଣଙ୍କ ସହିତ ଗଣ୍ଡଗୋଳ କରୁଥିବା ବେଳେ ବାପା ହାଡୁ ନାଇକ ଛଡାଇବା ପାଇଁ ଯାଇଥିଲେ ପୁଅ ଉତ୍ତ୍ୟକ୍ତ ହୋଇ ବାପାକୁ ମାରିବା ସହିତ ଧକ୍କା ଦେଇଥିଲା ।

ଫଳରେ ହାଡୁ ଘଟଣା ସ୍ଥଳରେ ତଳେ ପଡିଯାଇଥିଲେ । ପରେ ପରିବାର ଲୋକେ ହାଡୁକୁ ଭଞ୍ଜନଗର ମେଡିକେଲ ଆଣିଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ଘଟଣା ସ୍ଥଳରେ ଭଞ୍ଜନଗର ପୋଲିସ ପହଂଚି ପୁଅ ଶିବ ନାଇକକୁ ଅଟକ ରଖି ଘଟଣାର ତଦନ୍ତ କରୁଛି l

from Prameya News7 https://ift.tt/3AZHM89