ଧକ୍କା ମାରି ଖସି ଯାଉଥିଲେ ଗଞ୍ଜେଇ ମାଫିଆ, ୪ କିମି ପିଛା କରି ଧରିଲା ପୋଲିସ

ଲମତାପୁଟ, ୦୪|୦୪ : ଲମତାପୁଟ  ପୋଲିସକୁ ବଡ ସଫଳତା ।    ଶଗର ଅଞ୍ଚଳରୁ   ଉତର ପ୍ରଦେଶ  ଚୋରା ଚାଲଣ ବେଳେ ଦୁଇ ଗଞ୍ଜେଇ ମଫିଆଙ୍କୁ ମାଡ଼ି ବସିଲା ଲମତାପୁଟ  ପୋଲିସ । ଏହାସହ ଗଞ୍ଜେଇ ମଧ୍ୟ ଜବତ କରାଯାଇଛି ।   

ସୂଚନାନୁସାରେ, ବିଶେଷ ସୂତ୍ରରୁ ଖବର ପାଇ କୋରାପୁଟ ଏସପିଙ୍କ  ନିର୍ଦ୍ଦେଶ କ୍ରମେ ନନ୍ଦପୁର ଏସ.ଡି.ପି.ଓଙ୍କ  ତତ୍ଵାବଧାନରେ  ଫାଣ୍ଡି ଅଧିକାରୀ  ଲମତାପୁଟ  ମୁଖ୍ୟ ବଜାରରେ ନାକାବନ୍ଦୀ କରି ଗାଡି ଯାଞ୍ଚ କରୁଥିଲେ ।  ଶଗର  ଆଡୁ ଦ୍ରୁତ ଗତିରେ ଆସୁଥିବା ମାରୁତି କାରକୁ ଅଟକାଇ  ଥିଲା ପୋଲିସ  ।  ମାଫିଆମାନେ  ଗାଡିକୁ ଅଟକାଇ ଥିଲେ  ପୋଲିସ  ଗାଡି ଯାଞ୍ଚ କରିବା ଆରମ୍ଭ  କରିବା ସମୟରେ ମାଫିଆମାନେ  ଧକ୍କା  ଦେଇ  ଦ୍ରୁତ ଗତିରେ କାରକୁ ନେଇ ଚାଲି ଯାଇଥିଲେ  । ପୋଲିସ ଗଡିକୁ ପିଛା କରି  ପ୍ରାୟ ୪ କିଲୋମିଟର  ଦୂର କାଡାମ ଗ୍ରାମ ଛକ ନିକଟରେ   ଗାଡିକୁ ଅଟକାଇବା ସହ  ଦୁଇ ମଫିଆଙ୍କୁ କାବୁ କରିଥିଲା ।

କାର ପଛପଟେ ଗଞ୍ଜେଇ ଥିବା ପୋଲିସ ଜାଣିବାକୁ ପାଇଥିଲା ।  କାରରେ ଦୁଇଟି ବସ୍ତାରେ  ପ୍ରାୟ  ଏକ  କ୍ଵିଣ୍ଟାଲ ଗଞ୍ଜେଇ  ଥିଲା । ଏହାର ମୂଲ୍ୟ ପ୍ରାୟ ୧୦ ଲକ୍ଷରୁ ଉର୍ଦ୍ଧ୍ୱ ହେବ ବୋଲି ପୋଲିସ ସୂଚନା ଦେଇଛି।   ଅଟକ ଯୁବକମାନେ  ଉତ୍ତର  ପ୍ରଦେଶର ଭଗୁ  ଯାଦବ ଏବଂ  ଜୟପ୍ରକାଶ  ପଟେଲ  ବୋଲି ଜଣା ପଡିଛି  ।  ସେମାନଙ୍କ ନିକଟରୁ ଦୁଇଟି ମୋବାଇଲ, ପର୍ସ  ଜବତ କରିବା ପରେ ଏମାନେ ବହୁବାର ଏହି ଅଞ୍ଚଳରୁ  ଗଞ୍ଜେଇ  ଚୋରାଚାଲାଣ  କରୁଥିବା  ସ୍ଵୀକାର କରିଛନ୍ତି ।

from Prameya News7 https://ift.tt/2PPL23g