ଭଦ୍ରକ ୨୪।୩: ବେଆଇନ ଗୋଚାଲାଣକୁ ନେଇ ଦୁଇ ଗୋଷ୍ଠୀ ମୁହାଁମୁହିଁ । ଏସ୍କର୍ଟ ପାଟିଙ୍କ ଆକ୍ରମଣରେ ୩ ଜଣ ଗୁରୁତର ହୋଇଥିବା ସୂଚନା । ୧୬ ନମ୍ବର ଜାତୀୟ ରାଜପଥର ଭଦ୍ରକ ଜିଲ୍ଲା ରାଣିତାଲ ନିକଟରେ ଘଟିଛି ଏଭଳି ଅଭାବନୀୟ ଘଟଣା ।
ସୂଚନାଯୋଗ୍ୟ ଯେ, ୧୬ ନମ୍ବର ଜାତୀୟ ରାଜପଥରେ କଣ୍ଟେନର ଦ୍ବାରା ବେଆଇନ ଗୋଚାଲାଣ ହେଉଥିବା ଖବର ପାଇ ଗୋସୁରକ୍ଷା ସମିତିର କର୍ମକର୍ତ୍ତାମାନେ ରାଣୀତାଲ ନିକଟରେ ୩ଟି କଣ୍ଟେନରକୁ ଅଟକାଇଥିଲେ । କଣ୍ଟେନର ଅଟକାଇବା ପରେ ଏସ୍କର୍ଟ ପାର୍ଟି ଆସି ଗୋ ସୁରକ୍ଷା ସମିତିର କର୍ମକର୍ତ୍ତାଙ୍କୁ ଆକ୍ରମଣ କରି ଗୋଟିଏ କଣ୍ଟେନର ଛଡାଇ ନେଇଥିଲେ । ଅନ୍ୟ ଗୋଟିଏ କଣ୍ଟେନର ପଳାଇଯାଉଥିବା ବେଳେ କର୍ମକର୍ତ୍ତାମାନେ ମଇତାପୁର ନିକଟରେ ଅଟକାଇଥିଲେ । ଗୋରୁ କଣ୍ଟେନରକୁ ଅଟକାଇବା ବେଳେ ୪ରୁ ଅଧିକ ଗାଡିରେ ଆସିଥିବା ଏସ୍କର୍ଟ ପାର୍ଟିରେ ଥିବା ଯୁବକମାନେ ଆକ୍ରମଣ କରିଥିଲେ । ଆକ୍ରମଣରେ ୩ ଜଣ ଗୋ ସୁରକ୍ଷା ସମିତିର କର୍ମକର୍ତ୍ତା ଗୁରୁତର ଅବସ୍ଥାରେରେ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ପୋଲିସ ଦୁଇଟି କଣ୍ଟେନରକୁ ଜବତ କରିଥିବା ଜଣାପଡିଛି । ତେବେ ଦୁଇ କଣ୍ଟେନରରେ ୨ଶହରୁ ଅଧିକ ଗୋରୁ ଥିବା ସୂଚନା ମିଳିଛି ।
from Prameya News7 https://ift.tt/3skFgoD
No comments: