ପଥର ଖଣି ପାଇଁ ଗୋଷ୍ଠୀ ସଂଘର୍ଷ : ବୋମାମାଡ଼ ସହ ଫୁଟିଲେ ଗୁଳି, ୫ ଆହତ

ଖୋର୍ଦ୍ଧା ୨୨।୦୩: ମାଙ୍କଡ଼ା ପଥର ଖଣିକୁ ନେଇ ୨ ଗୋଷ୍ଠୀ ମଧ୍ୟରେ ସଂଘର୍ଷ।। ପୂର୍ବ ଶତ୍ରୁତାକୁ ନେଇ ଖୋର୍ଦ୍ଧା ଓଲସିଂହ ଗ୍ରାମପଞ୍ଚାୟତ ଡମଣଭୂମି ଗାଁରେ ଦୁଇ ଗୋଷ୍ଠୀ ମଧ୍ୟରେ ବୋମାମାଡ଼ ସହ ଗୁଳି ଚାଳନା ହୋଇଛି। ଘଟଣାସ୍ଥଳରେ ପୋଲିସ ଫୋର୍ସ ମୁତୟନ କରାଯାଇଛି ।

ଖବର ଅନୁଯାୟୀ, ମାଙ୍କଡ଼ା ପଥର ଖାଦାନ ଓ ଚାଲାଣ କରିବା ନେଇ ଉଭୟଙ୍କ ମଧ୍ୟରେ ପୂର୍ବରୁ ଶତ୍ରୁତା ଲାଗି ରହିଛି । ପ୍ରଥମେ ଏକ ପଥର ବୋଝେଇ ଗାଡ଼ି ଅଟକାଇବା ଘଟଣାକୁ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ପରବର୍ତ୍ତୀ ସମୟରେ ଗାଁର କାଳିଆ ଭୋଳ ସନ୍ଧ୍ୟା ସମୟରେ ସେହି ଗାଁର ରଞ୍ଜନ ଭୋଳଙ୍କ ଘରେ ପଶି ମାରଣାସ୍ତ୍ରରେ ପରିବାରର କେତେଜଣଙ୍କୁ କ୍ଷତାକ୍ତ କରିଥିବା ସୂଚନା ମିଳିଥିବା ବେଳେ, ଏପଟେ ରଞ୍ଜନଙ୍କ ଗୋଷ୍ଠୀ ଘଟଣାରେ ଉତକ୍ଷିପ୍ତ ହୋଇ କାଳିଆଙ୍କ ଗୋଷ୍ଠୀ ଉପରେ ବୋମାମାଡ କରିଥିବା ଜଣାପଡିଛି । ଏଥିରେ ୫ଜଣ ଆହତ ହୋଇଥିବା ବେଳେ ଆହତଙ୍କୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ସୂଚନା ପାଇ ଘଟଣା ସ୍ଥଳରେ ଜଙ୍କିଆ ପୋଲିସ ପହଞ୍ଚି ପରିସ୍ଥିତି ଉପରେ ଦୃଷ୍ଟି ରଖିଥିବା ବେଳେ ଗାଁରେ ପୋଲିସ ମୁତୟନ କରାଯାଇଛି ।

from Prameya News7 https://ift.tt/3cSSySW