ବିନା ଭକ୍ତରେ ହେଲା ମାଘବୁଡ, ତୀର୍ଥ ପୁଷ୍କରିଣୀରେ ବୁଡ ପକାଇ ପହିଲି ସୂର୍ଯ୍ୟଙ୍କୁ ଦର୍ଶନ କଲେ ସାଧୁସନ୍ଥ ଏବଂ ମହାପ୍ରଭୁଙ୍କ ସେବକ

କୋଣାର୍କ ୧୯।୦୨: ବିନା ଭକ୍ତ ରେ ହେଲା ମାଘବୁଡ । ଚଳିତ ବର୍ଷ କରୋନା କଟକଣା ଯୋଗୁଁ ଜିଲ୍ଲା ପ୍ରଶାସନର ନିଷ୍ପତ୍ତି କ୍ରମେ ପ୍ରସିଦ୍ଧ ପବିତ୍ର ମାଘ ବୁଡ଼ ବିନା ଭକ୍ତରେ ଶେଷ ହୋଇଛି । ପ୍ରତ୍ୟେକ ବର୍ଷ ଏହି ମାଘ ସପ୍ତମୀ ବୁଡ଼ କୁ ରାଜ୍ୟ ଓ ରାଜ୍ୟ ବାହାରୁ ଲକ୍ଷ ଲକ୍ଷ ଶ୍ରଦ୍ଧାଳୁ ଆସୁଥିବା ବେଳେ ଚଳିତ ବର୍ଷ କରୋନା କଟକଣା ପାଇଁ ତାହା ବନ୍ଦ ରହିଛି ।

ତିନି ଠାକୁର ତ୍ରିବେଣୀଶ୍ବର,ଦକ୍ଷିଣଶ୍ବର,ଐଶାନେଶ୍ବର ଙ୍କୁ ବିନା ସାଜସଜ୍ଜାରେ ମେଳା ପଡିଆକୁ ଅଣାଯିବା ପରେ ରିତିନୀତି ଅନୁସାରେ ପୂଜାର୍ଚ୍ଚନା କରାଯାଇଥିଲା । ପୂଜାର୍ଚ୍ଚନା ପରେ ମହାପ୍ରଭୁଙ୍କ ସେବକ ମାନେ ତିନି ଠାକୁରଙ୍କୁ ପବିତ୍ର ତୀର୍ଥ ପୁଷ୍କରିଣୀରେ ସ୍ନାନ କରାଇଥିଲେ । ପରେ ଉପସ୍ଥିତ ସାଧୁସନ୍ଥମାନେ ତୀର୍ଥ ପୁଷ୍କରିଣୀରେ ସ୍ନାନ କରି ଆଳତି କରିଥିଲେ ।

ପ୍ରଶାସନର ନିଷ୍ପତ୍ତି ମୁତାବକ ପ୍ରଶାସନିକ ଅଧିକାରୀ, ସ୍ଥାନୀୟ ଗଣମାଧ୍ୟମ ପ୍ରତିନିଧିଙ୍କ ସହ ମହାପ୍ରଭୁଙ୍କ ସେବକ ମାନେ ତୀର୍ଥ ପୁଷ୍କରିଣୀରେ ବୁଡ ପକାଇ ସୂର୍ଯ୍ୟ ଦର୍ଶନ କରିଥିଲେ । ଚଳିତ ବର୍ଷ କରୋନା କଟକଣା ଯୋଗୁଁ ମାତ୍ର ୫ ଶହ ବ୍ୟକ୍ତି ବିଶେଷଙ୍କ ମଧ୍ୟରେ ଏହି ମାଘ ବୁଡ଼ କରାଯାଇଥିବାରୁ ଭକ୍ତ ଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା।

from Prameya News7 https://ift.tt/2Nnnf9T