୪୮୨ ଗ୍ରାମ୍‌ର ଚୋରି ସୁନାକୁ ଜବତ କଲା ପୋଲିସ, ୨ଲୁଟେରା ଏବଂ ଜଣେ ସୁନା ଦୋକାନୀ ଅଟକ

ବ୍ରହ୍ମପୁର ୧୯।୦୨: ପୋଲିସକୁ ସଫଳତା । ଚୋରି ହୋଇଥିବା ସୁନା ଅଳଙ୍କରା ସହ ୨ଲୁଟେରା ଏବଂ ଜଣେ ସୁନା ଦୋକାନୀଙ୍କୁ ଅଟକ ରଖିଛି ପୋଲିସ । ଘଟଣାରେ ଛାନ୍‌ଭିନ୍ ଜାରି ରଖିଛି ବଡ଼ ବଜାର ଥାନା ପୋଲିସ ।

ଖବର ଅନୁଯାୟୀ, କିଛି ଦିନ ତଳେ ପ୍ରାୟ ୪୮୨ ଗ୍ରାମ ଓଜନର ସୁନା ଅଳଙ୍କାର ଚୋରି ହୋଇଥିଲା । ଥାନାରେ ଅଭିଯୋଗ ପରେ ପୋଲିସ ଖୋଲତାଡ଼ ଆରମ୍ଭ କରିଥିଲା । ଏହିପରିପେକ୍ଷୀରେ ଗଞ୍ଜାମ ଜିଲ୍ଲା ବଡ଼ ବଜାର ଥାନା ପୋଲିସ ୪୮୨ ଗ୍ରାମ ଓଜନର ସୁନା ଅଳଙ୍କାର ଜବତ କରିଛି । ଏହାସହିତ ୨ଜଣ ଚୋର ଓ ଜଣେ ଦୋକାନୀଙ୍କୁ ଅଟକ ରଖିଛି ପୋଲିସ । ସେମାନଙ୍କୁ ପଚରାଉଚରା ମଧ୍ୟ କରୁଛି ।

ପୋଲିସ ଅଟକ ରଖିଥିବା ୨ ଲୁଟେରା ଶ୍ରୀଭାସ ଓ ଲୋକେଶ ରାଓ ବୋଲି ଜଣାପଡିଛି । ସେହିପରି ଅଟକ ଥିବା ସୁନା ଦୋକାନୀ ଦେବେନ୍ଦ୍ର ସୋନି ବୋଲି ଜଣାପଡିଛି । ତେବେ ଜବତ ହୋଇଥିବା ସୁନା ଗହଣାକୁ ବିନୋଦ ଜୁଏଲର୍ସ ଓ କେଶବ ଜୁଏଲର୍ସ ମାଲିକଙ୍କୁ ହସ୍ତାନ୍ତର କରାଯାଇଛି। ଏନେଇ ବ୍ରହ୍ମପୁର ଅତିରିକ୍ତ ଏସପି ପ୍ରଭାତ କୁମାର ରାଉତରାୟ ସୂଚନା ଦେଇଛନ୍ତି ।

from Prameya News7 https://ift.tt/3s5Mr3n