ଧକ୍କା ଦେଲା ମାଟି ବୋଝେଇ ଟ୍ରାକ୍ଟର, ଚାଲିଗଲା ଜଣଙ୍କ ଜୀବନ

ନୀଳଗିରି ୨୪।୦୨ : ବାଲେଶ୍ୱର ଜିଲ୍ଲା ନୀଳଗିରି ଜୁରିଆପାଟଣା ଛକ ନିକଟରେ ଦୁର୍ଘଟଣା । ଟ୍ରାକ୍ଟର ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ଯୁବକଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।

ଖବର ଅନୁଯାୟୀ, ନୀଳଗିରି ଏନଏସି ଅଧିନ ବାଳିଗୋହିରୀ ଅଞ୍ଚଳର ଅଭିଷେକ ରାଉତ, ବରିସାହି ଗାଁର ମନିଶ ସ୍ୱାଇଁ, ବିମ୍ବୁରିଆ ଗାଁର ବିଶ୍ଵଜିତ ମହାପାତ୍ର, କଟକ ଅଞ୍ଚଳର ବିଶ୍ଵଜିତ ସାମଲ ଦୁଇଟି ବାଇକରେ ବଉଳଗଡ଼ିଆ ଆଡୁ ନୀଳଗିରିକୁ ଆସୁଥିଲେ । ଶ୍ୟାମସୁନ୍ଦରପୁର ନିକଟ ଜୁରିଆପାଟଣା ଛକ ନିକଟରେ ହଠାତ ଏକ ମାଟି ବୋଝେଇ ଟ୍ରାକ୍ଟର ଆଗକୁ ଆସିଯାଇଥିଲା । ଯାହାଫଳରେ କି ବାଇକ ଓ ଟ୍ରାକ୍ଟର ମଧ୍ୟ ଦୁର୍ଘଟଣା ଘଟିଥିଲା ।

ଦୁର୍ଘଟଣାରେ  ଅଭିଷେକ ଓ ମନିଶ ଗୁରୁତର ହୋଇଥିଲା । ସେଠାରୁ ସେମାନଙ୍କୁ  ନୀଳଗିରି ଡାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ଅଭିଷେକଙ୍କ ସ୍ୱାସ୍ଥ୍ୟବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ଵର ସ୍ଥାନାନ୍ତର କରାଯାଇଥିଲା । ହେଲେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ସେପଟେ ମନିଶ ଗୁରୁତର ଅବସ୍ଥାରେ ନୀଳଗିରି ହସ୍ପିଟାଲରେ ଚିକିତ୍ସିତ ହେଉଛନ୍ତି । ସେହିପରି ଅନ୍ୟ ଦୁଇ ଯୁବକ ସାମାନ୍ୟ ଆହତ ହୋଇଛନ୍ତି। ଦୁର୍ଘଟଣା ଘଟାଇଥିବା ଟ୍ରାକ୍ଟରଟି ଘଟଣାସ୍ଥଳରୁ ଫେରାର ହୋଇଯାଇଛି।

from Prameya News7 https://ift.tt/3sqiA5R