ଗଞ୍ଜାମରେ ୩୧ ଜୁଲାଇ ଯାଏ ଗାଡି ଚଳାଚଳ ଉପରେ କଟକଣା : କୃଷି, ସ୍ୱାସ୍ଥ୍ୟ ଓ ଅତ୍ୟାବଶ୍ୟକ ସାମଗ୍ରୀ ଗାଡି କଟକଣାରୁ ବାଦ୍ ; ବୟସ୍କଙ୍କୁ ଘରେ ରହିବାକୁ ପରାମର୍ଶ ଦେଲେ ଜିଲ୍ଲାପାଳ Kanak News

କନକ ବ୍ୟୁରୋ : ଆସନ୍ତା ୩୧ ତାରିଖ ଯାଏଁ ଗଞ୍ଜାମ ଜିଲ୍ଲାରେ ଗାଡି ଚଳାଚଳ ଉପରେ କଟକଣା । ଟୁଇଟ୍ କରି ସୂଚନା ଦେଲେ ଗଞ୍ଜାମ ଜିଲ୍ଲା ପ୍ରଶାସନ । କେବଳ କୃଷି, ସାମଗ୍ରୀ ପରିବହନ ଏବଂ ସ୍ୱାସ୍ଥ୍ୟ ସେବାକୁ କଟକଣାରୁ ବାଦ୍ ଦେଇ ଅନ୍ୟ ସମସ୍ତ ଗାଡି ଚଳାଚଳ ଉପରେ କଟକଣା ଜାରି କରିଛି ଜିଲ୍ଲା ପ୍ରଶାସନ । ଜୁଲାଇ ୧ ତାରିଖରୁ ୩୧ ତାରିଖ ଯାଏଁ ଗଞ୍ଜାମ ଜିଲ୍ଲାରେ ଏହି କଟକଣା ଲାଗୁ କରାଯାଇଛି । ଜନସାଧାରଣଙ୍କୁ ଏଥିପ୍ରତି ସହଯୋଗ କରିବାକୁ ନିବେଦନ କରାଯାଇଛି । ସମସ୍ତ ଲୋକ ନିଜ ନିଜ ସ୍ଥାନରେ ରହିବା ଏବଂ ଗୋଟିଏ କିଲୋମିଟରରୁ ଅଧିକ ସ୍ଥାନ ନଯିବାକୁ ଅନୁରୋଧ କରିଛି ଗଂଜାମ ଜିଲ୍ଲା ପ୍ରଶାସନ । ବରିଷ୍ଠ ନାଗରିକଙ୍କୁ ଘରେ ରହିବାକୁ ପରାମର୍ଶ ଦିଆଯାଇଛି ।

No vehicles please till 31 July.
Except agriculture, goods and health purposes , all vehicles movement banned in Ganjam from 1st July. Please cooperate. All r requested not to leave their place & not to travel more than 1 km. Senior citizens must stay at home. @CMO_Odisha

— Collector & District Magistrate, Ganjam (@Ganjam_Admin) July 2, 2020

ଜରୁରୀକାଳୀନ ପରିସ୍ଥିତି ନ ହେଲେ ଦୟାକରି ଯାତ୍ରା କରନ୍ତୁ ନାହିଁ | କେବଳ ଘରେ କିମ୍ବା ଆପଣଙ୍କ କର୍ମକ୍ଷେତ୍ରରେ ରୁହନ୍ତୁ | ସାମାଜିକ ଦୂରତା ଉଲ୍ଲଂଘନ ହେବାର ଆଶଙ୍କା ଥିବାରୁ ବାହ୍ୟ ଖାଦ୍ୟରୁ ଦୂରେଇ ରୁହନ୍ତୁ | ନିଜ ଜୀବନକୁ ବିପଦରେ ପକାନ୍ତୁ ନାହିଁ ବୋଲି ଜିଲ୍ଲାପାଳ ଆଜି ଟୁଇଟ୍ କରି ପରାମର୍ଶ ଦେଇଛନ୍ତି । ଉଲ୍ଲେଖଯୋଗ୍ୟ, ଗଞ୍ଜାମ ଜିଲ୍ଲାରେ ସର୍ବାଧିକ ସଂଖ୍ୟକ କରୋନା ସଂକ୍ରମଣ ମାମଲା ପଞ୍ଜିକୃତ ହୋଇଛି । କାରଣ ଜିଲ୍ଲାରେ ୧୪୦୦ରୁ ଅଧିକ ଲୋକ ଏହି କରୋନା ପଜିଟିଭ୍ ଚିହ୍ନଟ ହୋଇସାରିଛନ୍ତି। ଏହା ବ୍ୟତୀତ ଏହି ରୋଗରେ ବର୍ତ୍ତମାନ ସୁଦ୍ଧା ଜିଲ୍ଲାରେ ୧୪ ଜଣଙ୍କର ମୃତ୍ୟୁ ଘଟିଛି ।

from Kanak News https://ift.tt/38iFBiB https://ift.tt/2YOmVUB