ଆଜିଠୁ ମାଓବାଦୀଙ୍କ ସହିଦ ସପ୍ତାହ, ମାଓ ପ୍ରବଣ ଜିଲ୍ଲାରେ ସୁରକ୍ଷା କଡାକଡି

ରାୟଗଡ଼ା ୨୮।୦୭ : ସିପିଆଇ ମାଓବାଦୀ ସଂଗଠନ ପକ୍ଷରୁ ଆଜି ଠାରୁ ଆରମ୍ଭ  ହୋଇଛି ମାଓବାଦୀ ସହିଦ ସପ୍ତାହ ଦିବଲ  । ମାଓ ସପ୍ତାହ ଆସନ୍ତା  ଅଗଷ୍ଟ  ୩ ତାରିଖ ପର୍ଯ୍ୟନ୍ତ  ପାଳନ କରିବେ ବିଭିନ୍ନ  ମାଓବାଦୀ ସଂଗଠନ । ବିଶେଷ ଭାବେ   ରାୟଗଡ଼ା ଜିଲ୍ଲାରେ ସକ୍ରିୟ ଥିବା ମାଓବାଦୀ  ସଂଗଠନର ବାସଧାରା-ଘୁମସୁର-ନାଗାବଳି ଡିଭିଜନାଲ କମିଟି ସହିଦ ସପ୍ତାହ ପାଳନ ପାଇଁ ଆହ୍ନାନ ଦେଇଛି । 

ମାଓବାଦୀଙ୍କ  ସହିଦ ସପ୍ତାହୁ ଜରରରେ ରଖି  ହିଂସାକାଣ୍ଡ, ପୋଡାଜଳା ସମ୍ଭାବନା ରହିଛି  । ତେଣୁ ପୁଲିସ ପକ୍ଷରୁ  ରାୟଗଡା ଜିଲ୍ଲାରେ  କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଜିଲ୍ଲାର ମାଓ ପ୍ରବଣ କଲ୍ୟାଣସିଂହପୁର, କାଶୀପୁର, ଦୋରାଗୁଡ଼ା, ଆମ୍ବଦୋଳା, ମୁନିଗୁଡ଼ା, ଚନ୍ଦ୍ରପୁର, ବିଷମକଟକ ଓ ଗୁଡ଼ାରୀ ଥାନା ଅଂଚଳରେ କୁମ୍ବିଂ ଅପରେସନକୁ ଜୋରଦାର କରାଯାଇଛି ।

ରାୟଗଡ଼ା ଜିଲ୍ଲାର  ସମସ୍ତ ସୀମାକୁ ସିଲ କରାଯିବା ସହ ଚେକିଂ ଓ ବ୍ଲକିଂ  ଜାରି ରହିଛି । ମୁଖ୍ୟତଃ ନିୟମଗିରି ଓ ବାସଙ୍ଗମାଳି ପାହାଡ଼ ମାଓବାଦୀଙ୍କ ଆଡ୍ଡାସ୍ଥଳୀ ହୋଇଥିବାରୁ  ସେଠାରେ   ଏସଓଜି, ବିଏସଏଫ ଓ ସିଆରପିଏଫ ଯବାନଙ୍କୁ ଉକ୍ତ  ଅଂଚଳକୁ ପଠାଯାଇଛି  । ଏହାସହ  ସୀମାନ୍ତ  କନ୍ଧମାଳ ଓ କଳାହାଣ୍ଡି ଜିଲ୍ଲା ସୀମାନ୍ତ ଅଂଚଳକୁ ପୁଲିସ ତରଫରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।

from Prameya News7 https://ift.tt/3g9f2zl