ଲାଞ୍ଜିଗଡରୋଡ୍ ପଞ୍ଚାୟତ ୪୮ଘଣ୍ଟା ସଟ୍ ଡାଉନ୍, ମଙ୍ଗଳବାର ସକାଳ ୬ଟା ପର୍ଯ୍ୟନ୍ତ ରହିବ ବଳବତ୍ତର

କଳାହାଣ୍ଡି ୭।୬: ରାଜ୍ୟରେ ବଢୁଛି କରୋନା ସଂକ୍ରମଣ । କଳାହାଣ୍ଡି ଜିଲ୍ଲା ଲାଞ୍ଜିଗଡରୋଡ୍ ଗ୍ରାମପଞ୍ଚାୟତ ୪୮ ଘଣ୍ଟିଆ ସଟ୍ ଡାଉନ୍ କରାଯାଇଛି । ଏହି ସଟ୍ ଡାଉନ୍ ସକାଳ ୬ଟାରୁ ଲାଗୁ ହୋଇଛି । ଏହା ଆସନ୍ତା ୯ ତାରିଖ ଅର୍ଥାତ୍ ମଙ୍ଗଳବାର ସକାଳ ୬ଟା ପର୍ଯ୍ୟନ୍ତ ବଳବତ୍ତର ରହିବ ।

ଦିନକୁ ଦିନ କରୋନା ଭାଇରସ୍ ସଂକ୍ରମଣ ବୃଦ୍ଧି ପାଉଥିବାରୁ ଅଞ୍ଚଳର ଭବିଷ୍ୟତକୁ ଦୃଷ୍ଟିରେ ରଖି ଲାଞ୍ଜିଗଡରୋଡ୍ ପଞ୍ଚାୟତକୁ ସରପଞ୍ଚ ଟଙ୍କଧର ମାଝୀ ସଟ୍ ଡାଉନ୍ ଘୋଷଣା କରିଛନ୍ତି ।

ଏହି ସଟ୍ ଡାଉନ୍ ରୁ କେବଳ ସ୍ବାସ୍ଥ୍ୟ ସମ୍ବନ୍ଧୀୟ ସେବାକୁ ବାଦ୍ ଦିଆଯାଇଛି । ଏହି ଅଞ୍ଚଳରେ ଥିବା ଲୋକଙ୍କୁ ବାହାରକୁ ବାହାରିବାକୁ ବାରଣ କରାଯାଇଛି । କେହି ଆଇନ ଉଲଂଘନ କଲେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯିବ ।

ସୂଚନାଯୋଗ୍ୟ ଯେ, ବର୍ତ୍ତମାନ ରାଜ୍ୟରେ ୨୭୮୧ ଜଣ କରୋନା ସଂକ୍ରମିତ ହୋଇଛନ୍ତି । କଳାହାଣ୍ଡି ଜିଲ୍ଲାରେ ୨୭ ଜଣ ସଂକ୍ରମିତ ହୋଇଥିବା ବେଳେ ୧୨ଟି ଆକ୍ଟିଭ୍ କେସ୍ ରହିଛି । ସେହିଭଳି ୧୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।

from Prameya News7 https://ift.tt/3fa2gjp