ମାଓବାଦୀଙ୍କ ଲଙ୍କାକାଣ୍ଡ : ରାସ୍ତାକାମକୁ ବିରୋଧ ଜାଳିଦେଲେ ଗାଡି-ଟ୍ରାକ୍ଟର-ଜେସିବି

ମାଲକାନଗିରି ୦୭।୦୬:  ତାତିଲେ ପୁଣି ମାଓବାଦୀ । ମାଲକାନଗିରି ଆନ୍ଧ୍ରପ୍ରଦେଶ ସୀମାନ୍ତରେ ମାଓବାଦୀଙ୍କ ହିଂସାକାଣ୍ଡ  ଦେଖାଦେଇଛି । ରାସ୍ତା କାମକୁ ବିରୋଧ କରି ପୋଡି ଦେଲେ ୧୦ଟି ଗାଡି ୨ଟି ଟ୍ରାକ୍ଟର , ୨ଟି ଟ୍ରକ, ୨ଟି ଜେସିବି ଓ କିଛି ମିକ୍ସର ମେସିନ । ଇଷ୍ଟ ଗୋଦାବରୀ ଜିଲ୍ଲା ଚିନ୍ତୁର ଥାନାର ଭେଙ୍କେଟାପୁରମ ଗାଁରେ ଚାଲିଥିଲା ରାସ୍ତା କାମ ।

ସୂଚନାଯୋଗ୍ୟ ଯେ, ଇଷ୍ଟ ଗୋଦାବରୀ ଜିଲ୍ଲାର ଭେଙ୍କେଚାପୁରମ୍‌ ଗାଁରେ ରାସ୍ତା କାମ ଚାଲିଥିବା ବେଳେ ଏହାକୁ ମାଓବାଦୀମାନେ ବିରୋଧ କରୁଥିଲେ । କିନ୍ତୁ ପୋଲିସର ସୁରକ୍ଷା ବଳୟରେ ରାସ୍ତା କାମ ଆଗେଇ ଚାଲିଥିଲା ।

 ଗତକାଲି ରାତିରେ ପ୍ରାୟ ୧୫ ଜଣ ସଶସ୍ତ୍ର  ମାଓବାଦୀ ଠିକା କମ୍ପାନୀ ନିକଟରେ ପହଞ୍ଚି ଗାଡି ଗୁଡିକରେ ନିଆଁ ଲଗାଇଥିଲେ । ମାଓବାଦୀମାନେ ବିସ୍ଫୋରଣ କରି ଉଡାଇ ଗାଡି ଓ କ୍ୟାମ୍ପ ନଷ୍ଟ କରିଦେଇଛନ୍ତି । ଘଟଣା ପରେ ନକ୍ସଲ ମାନେ ଘଟଣା ସ୍ଥଳରେ ଅନେକ ଧମକ ପୂର୍ଣ ପୋଷ୍ଟର ଲଗାଇଛନ୍ତି ।

from Prameya News7 https://ift.tt/3dGrQvW