ସ୍କୁଲ ଭିତରେ ଶିକ୍ଷକଙ୍କ ଜୁଲମ୍ । ସ୍କୁଲରେ ଛାତ୍ରଛାତ୍ରୀଙ୍କୁ ତାଲା ପକାଇ ଶିକ୍ଷକ ଗାଏବ । ଖାଇବା ନଦେଇ ତାଲା ମାରି ଦେଇଥିବା ଅଭିଯୋଗ Kanak News

କନକ ବ୍ୟୁରୋ: ସ୍କୁଲ ଭିତରେ ଛାତ୍ରଛାତ୍ରୀ ଆଉ ବାହାରେ ପଡିଛି ତାଲା । ପିଲାଙ୍କ ଖାଇବାକୁ ନଦେଇ ତାଲା ପକାଇ ପଳାଇଲେ ଶିକ୍ଷକମାନେ । ଭୋକରେ ଆଉଟୁପାଉଟୁ ହୋଇ ଆକୁଳ ଚିକ୍ରାର କରୁଛନ୍ତି କୁନି କୁନି ଛାତ୍ରଛାତ୍ରୀ । ଢେଙ୍କାନାଳ କାମାକ୍ଷାନଗର ବ୍ଲକ୍ ମହୁଲପାଳ ଠାରେ ଥିବା ରାମକୃଷ୍ଣ ଆଦର୍ଶ ବେସରକାରୀ ବିଦ୍ୟାଳୟରେ ଘଟିଛି ଏଭଳି ଅମାନବୀୟ ଘଟଣା । ଖବର ପାଇ କଙ୍କଡାହାଡରୁ ବିଳମ୍ବିତ ରାତିରେ ଅଭିଭାବକମାନେ ଆସି ଦେଖିଲେ ପିଲା ଅଛନ୍ତି, ହେଲେ ସ୍କୁଲରେ ଶିକ୍ଷକ ନାହାନ୍ତି ।

 

ପିଲାଙ୍କୁ ଖାଇବାକୁ ନଦେଇ ଶିକ୍ଷକମାନେ କିପରି ସ୍କୁଲରେ ତାଲା ପକାଇ ଚାଲିଗଲେ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ରାମକୃଷ୍ଣ ଆଦର୍ଶ ବେସରକାରୀ ବିଦ୍ୟାଳୟରେ ପ୍ରାୟ ୧୦ ଜଣ ଆଦିବାସୀ ପିଲା ପାଠ ପଢୁଛନ୍ତି, ଯାହାଙ୍କ ବୟସ ୧୦ ବର୍ଷ ଭିତରେ । କଅଁଳ ବୟସର ପିଲାଙ୍କୁ ସ୍କୁଲରେ ଶିକ୍ଷକମାନେ ଖାଇବାକୁ ନଦେଇ, ନିର୍ଯାତନା ଦେଉଥିବା ଅଭିଯୋଗ ହୋଇଛି । ଏପରିକି ପିଲା ଖାଇବାକୁ ମାଗିଲେ ପେଜ ନହେଲେ ପାଣି ପିଇ ରୁହ ବୋଲି ଶିକ୍ଷକମାନେ ଧମକ ଦେଉଥିବା ଛାତ୍ରଛାତ୍ରୀ କ୍ୟାମେରା ଆଗରେ କହିଛନ୍ତି ।

from Kanak News https://ift.tt/358hz6N https://ift.tt/3569QG6