ପଦ୍ମପୁର: ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଗୁରୁକୁଳ ଆଶ୍ରମ ନିକଟରେ ଥିବା ଏକ ଘରୁ ସେକ୍ସ ରାକେଟ୍ ଠାବ ହୋଇଛି। ଶନିବାର ସକାଳେ ପାଇକମାଳ ପୁଲିସ୍ ଏହି ଘର ଉପରେ ଚଢ଼ାଉ କରି ଏହି ସେକ୍ସ ରାକେଟ୍ର ଖୁଲାସା କରିଛି।
ଏହି ଘଟଣାର ମାଷ୍ଟର ମାଇଣ୍ଡ ବା ରାଣୀ ମହୁମାଛି ଓ ତା’ର ଅନ୍ୟ ୩ ଜଣ ସହଯୋଗୀଙ୍କୁ ପୁଲିସ୍ ଗିରଫ କରିଛି। ଗିରଫ ଅନ୍ୟ ୩ ଅଭିଯୁକ୍ତ ହେଲେ ବଲାଙ୍ଗିର ଜିଲ୍ଲା ଲୋଇସିଙ୍ଗା ଥାନା ଅନ୍ତର୍ଗତ ତେଲେନପାଲି ଗାଁର ଶ୍ୟାମ ସୁନ୍ଦର ପ୍ରଧାନ, ପାଇକମାଲ ଥାନା ଅନ୍ତର୍ଗତ ଜର୍ଜଗଡ଼ ଗାଁର ପ୍ରଭାସ ତାଣ୍ଡି ଓ ଦିବ୍ୟ ତାଣ୍ଡି।
ରାଣୀ ମହୁମାଛି କୁହାଯାଉଥିବା ସମ୍ପୃକ୍ତ ମହିଳା ଜଣକ ୩ ଜଣ ଯୁବତୀଙ୍କୁ ଆଣି ଦେହ ବ୍ୟବସାୟରେ ନିୟୋଜିତ କରିବା ସହ ସେମାନଙ୍କୁ ମାନସିକ ନିର୍ଯାତନା ଦେଉଥିଲେ ବୋଲି ଅଭିଯୋଗ ହୋଇଛି।ଏନେଇ ଜଣେ ନିର୍ଯାତିତ ମହିଳା ଥାନାରେ ଅଭିଯୋଗ କରିବା ପରେ ପୁଲିସ୍ ଚଢ଼ାଉ କରି ଜଣେ ନାବାଳିକାଙ୍କ ସମେତ ୨ଜଣ ଯୁବତୀଙ୍କୁ ଉଦ୍ଧାର କରିଥିଲା।
ରାଣୀ ମହୁମାଛି ବିଭିନ୍ନ ସ୍ଥାନରୁ ଯୁବତୀଙ୍କୁ ଆଣି ସେକ୍ସ ରାକେଟ୍ ଚଳାଇବା ସହ କିଛି ମହିଳାଙ୍କୁ ବାହାର ରାଜ୍ୟରେ ବିକ୍ରି କରିଥିବା ପୁଲିସ୍ ଜାଣିବାକୁ ପାଇଛି।
from OTV Khabar. https://ift.tt/34KOw9q
No comments: