ଦାନା ପାଇଁ ବିକୁଛନ୍ତି ଦାନ୍ତକାଠି…ପର ପିଣ୍ଡାରେ କାଟୁଛନ୍ତି ରାତି..ବଞ୍ଚିବା ପାଇଁ ଦାରିଦ୍ର୍ୟର ସହ ଦୁଇ ଭାଇଙ୍କ ସଂଘର୍ଷ Kanak News

କନକ ବ୍ୟୁରୋ: ଅସହାୟ ଶୈଶବ । ଯେଉଁ ସମୟ ଖେଳକୁଦରେ କଟିବା କଥା ସେତିକି ବେଳେ ଘାରିଛି ପେଟ ଚିନ୍ତା । ଯେଉଁ ବୟସରେ ହାତରେ ବସ୍ତାନି ଧରିବା କଥା ସେହି ବୟସରେ ରାସ୍ତାକଡରେ ବସି ଦାନ୍ତକାଠି ବିକିବାରେ ସମୟ ବିତୁଛି । ସଭିଏଁ ପଢନ୍ତୁ ସଭିଏଁ ବଢନ୍ତୁ ସରକାରଙ୍କର ଏହି ନାରା ଏମାନଙ୍କ ପାଇଁ ମୂଲ୍ୟହୀନ ହୋଇପଡିଛି । କୋରେଇ ବ୍ଲକ ରଗଡି ଛକରେ ଏପରି ଦୃଶ୍ୟ ଦେଖିବାକୁ ମିଳିଛି। ଦୁଇ ନାବାଳକ ଜଣଙ୍କର ବୟସ ୧୦ ଓ ଅନ୍ୟର ୮ ବର୍ଷ ।

ଆଦିବାସୀ ସଂପ୍ରଦାୟର ଏହି ୨ ନାବାଳକ ସଂପର୍କରେ ଦୁଇଭାଇ । ହେଲେ ବାପା ମାଙ୍କ ନାଁ କିମ୍ବା ସେମାନଙ୍କ ନାଁ କହିପାରୁନାହାନ୍ତି । ଖୋଲା ଦେହ ଖାଲି ପାଦରେ ବସି ପେଟକୁ ଦାନା ଯୋଗାଡ ପାଇଁ ଦାନ୍ତକାଠି ବିଡା ବିକ୍ରି କରୁଥିବା ବେଳେ ରାତିରେ ସ୍ଥାନୀୟ ମନ୍ଦିର ବେଢା କିମ୍ବା କାହା ପିଣ୍ଡାରେ ୨ ଭାଇ ଶୋଇ ପଡୁଛନ୍ତି ବୋଲି ସ୍ଥାନୀୟ ଲୋକେ କହୁଛନ୍ତି । ଶିଶୁ ସୁରକ୍ଷା ପାଇଁ ପରୀ ଯୋଜନା କରିଥିବା ସରକାର ଏହି ଦୁଇ ଭାଇଙ୍କ ପ୍ରତି ଦୃଷ୍ଟି ଦେବାକୁ ସ୍ଥାନୀୟ ଅଂଚଳରେ ବୃଦ୍ଧିଜୀବୀମାନେ ଦାବି କରିଛନ୍ତି ।

from Kanak News https://ift.tt/2oV2c1Y https://ift.tt/2ViiBcS