ଆମେରିକାର ଟେକ୍ସାସ୍ ସହରରେ ଆତତାୟୀଙ୍କ ଆଖିବୁଜା ଗୁଳିମାଡ଼ ! ଅକାଳରେ ଚାଲିଗଲାଣି ୫ ଜଣଙ୍କ ଜୀବନ , ୨୧ ଗୁରୁତର । Kanak News

ଆମେରିକାର ଟେକ୍ସାସ୍ ରେ ଦୁଇଜଣ ବନ୍ଧୁକଧାରୀ ଆତତାୟୀଙ୍କ ଆଖିବୁଜା ଗୁଳିମାଡ଼ରେ ୫ ଜଣ ଲୋକଙ୍କ ଜୀବନ ଚାଲିଯିବା ସହ ୨୧ ଜଣ ନିରୀହ ଗୁରୁତର ଅବସ୍ଥାରେ ଡାକ୍ତରଖାନାରେ ଚିକିତ୍ସୀତ ହେଉଛନ୍ତି । ସ୍ଥାନୀୟ ପୋଲିସ୍ ମୁତାବକ , ଶନିବାର ୨ ବନ୍ଧୁକଧାରୀ ପ୍ରଥମେ ଗୋଟିଏ ଟ୍ରକ୍ କୁ ଅପହରଣ କଲେ ଏବଂ ଏହାପରେ ଟ୍ରକ୍ କୁ ଆଢୁଆଳ କରି ଫାୟାରିଙ୍ଗ୍ ଆରମ୍ଭ କରିଦେଇଥିଲେ । ସ୍ଥାନୀୟ ପୋଲିସ୍ ମୁତାବକ , ଫାୟାରିଙ୍ଗ୍ ର ଏହି ଘଟଣା ମିଡଲେଣ୍ଡର ଓଡେଶା ଅଞ୍ଚଳରେ ଘଟିଛି । ତେବେ ସୂତ୍ର ମୁତାବକ , ଜଣେ ଆତତାୟୀକୁ ସିନର୍ଜୀ ପ୍ରେକ୍ଷାଳୟ ପାଖରେ ଗୁଳି କରି ହତ୍ୟା କରିଛି ଆମେରିକା ପୋଲିସ୍ । ଆତତାୟୀର ବୟସ ପାଖାପାଖି ୩୦ ହେବ ବୋଲି ଅନୁମାନ କରାଯାଉଛି ।

ଆପଣଙ୍କୁ କହିରଖୁଛୁ ଚଳିତ ମାସର ଅଗଷ୍ଟ ମାସରେ ଆମେରିକାର ଟେକ୍ସାସ୍ ଏବଂ ଓହେୟା ଦୁଇ ଭିନ୍ନ ଭିନ୍ନ ସ୍ଥାନରେ ଫାୟାରିଙ୍ଗ୍ ଘଟଣାକୁ ନେଇ ୨୯ ଲୋକଙ୍କ ମୃତ୍ୟୁ ହୋଇଥିବା ବେଳେ ୪୦ ଜଣ ଲୋକ ଗୁରୁତର ଅବସ୍ଥାରେ ହସ୍ପିଟାଲରେ ପଡିଥିଲେ । ୨୪ ଘଣ୍ଟାରୁ କମ୍ ସମୟ ମଧ୍ୟରେ ଏହି ଫାୟାରିଙ୍ଗ୍ ର ଘଟଣା ହୋଇଥିଲା । ଯେଉଁଥିରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଟେକ୍ସାସ୍ ଏବଂ ଓହେୟାରେ ହୋଇଥିବା ଗୁଳିକାଣ୍ଡ ଜାଞ୍ଚ୍ କରିବାକୁ ଆଦେଶ ଦେଇଥିଲେ ।

from Kanak News https://ift.tt/2LjRhX9 https://ift.tt/2ZsJwYH