ପ୍ରଧାନମନ୍ତ୍ରୀଙ୍କ ସଫଳତା ବଖାଣିଲେ ବିଜେପି ଚାଣକ୍ୟ ଅମିତ୍ ଶାହ ! କହିଲେ ମସୁଦ୍ ଅଜହରକୁ ଅନ୍ତର୍ଜାତୀୟ ସ୍ତରରେ ଆତଙ୍କବାଦୀ ଘୋଷିତ କରାଯିବା ହେଉଛି ପ୍ରଧାନମନ୍ତ୍ରୀ ମୋଦିଙ୍କ ବଡ଼ ସଫଳତା । Kanak News

ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହ କହିଛନ୍ତି ଯେ ଦଳ ଏଥର ଗତ ଥର ଅପେକ୍ଷା ଅଧିକ ସିଟ୍ ହାସଲ କରିବ। ସେ କହିଛନ୍ତି ଯେ ବିଜେପି ଗତ ଥର ୨୮୨ ଟି ଆସନରେ ଏକାକୀ ବିଜୟୀ ହୋଇଥିଲା। ଏଥର ଏହାଠୁ ବି ଅଧିକ ଆସନରେ ବିଜୟୀ ହେବ। କେତେକ ଲୋକ କହୁଛନ୍ତି ଯେ ୨୦୧୯ ରେ ବିଜେପି ୧୮୦ ଟି ଆସନରେ ସୀମିତ ରହିବ। ଏ ସଂପର୍କରେ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି ଯେ ବିରୋଧୀମାନେ ଗତ ନିର୍ବାଚନ ସମୟରେ ବି ଏକଥା କହୁଥିଲେ। କିନ୍ତୁ ବିରୋଧୀଙ୍କର ଆକଳନ ଭୁଲ ପ୍ରମାଣିତ ହେବ ବୋଲି ଦୃଢ଼ୋକ୍ତି କରିଛନ୍ତି ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହ ।

ସେ କହିଛନ୍ତି ଯେ ବିଜେପି ଭଳି ଏନଡିଏ ବି ଏଥର ଅଧିକ ଆସନ ଲାଭ କରିବ। ମାସୁଦ୍ ଆଝାରକୁ ବିଶ୍ୱସ୍ତରୀୟ ଆତଙ୍କବାଦୀ ଘୋଷିତ କରାଯିବା ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏକ ବଡ଼ ସଫଳତା। ଏଣୁ ବିଜେପି କାହିଁକି ଏହାର ନିର୍ବାଚନୀ ଫାଇଦା ନ ଉଠାଇବ ବୋଲି ସେ ପ୍ରଶ୍ନ କରିଛନ୍ତି।

from Kanak News http://bit.ly/2H4MPuy http://bit.ly/2Y7Z0MP